agnès b. Café LPG (太古城中心)

營業中

休息中

帶左飯一星期，今日難得同朋友仔撐枱腳，梗係要食好西！朋友帶左我去呢間cafe食，貪佢唔洗等位，地方闊落，仲有靚靚蛋糕做甜品！朋友叫左個沙律餐同蘑菇湯，個沙律菜好新鮮，仲有藜麥，好健康！ 朋友話佢話夠飽，我咁大食，都係食番意粉算！ 嗌左個肉醬意粉同薄荷朱古力！肉醬意粉係即制的關係，夠晒熱辣辣，意粉煮得啱啱好唔會太硬同太淋！係個醬汁咸左d,薄荷朱古力好creamy, 有陣淡淡薄荷香味，飲完暖笠笠，冬天飲啱晒！最後食我至愛的粟子蛋糕，好好味呀！栗子蓉唔會太甜，餅底鬆脆！係今餐最出色的一樣食物！