影片
更多
2019-12-27
54 瀏覽
同朋友黎到戲曲中心，影完相打完卡之後，一心想試一試鼎爺與棋哥燒鵝合作既呢間店舖。鼎爺私房菜出名，我諗好多人都知，鼎爺靚湯都好有特色，今次有埋棋哥燒鵝，雙劍合壁，有靚湯有燒味，最傳統既港式美食共聚一餐廳。一入舖頭就覺得裝修好有心思，門口有懷舊鐵閘，牆上有手繪壁畫、懷舊海報同復古算盤做設計，好有懷舊感得黎，又唔會令人覺得好老套。就連餐牌、餐紙都有用心設計，有哂港式元素係入面，不得不讚。 最期待都係黎食好野，樣樣都想試下。椰皇燉嫩雞 $138此乃舖頭皇牌燉湯，最想試就係呢個湯。原個椰皇放上碟，一開椰蓋係好香椰香，裡面仲有唔少椰子肉同雞肉，味道好香甜，用兩個椰皇水加椰子肉再加雞所燉，飲得出足料炮制，飲哂都唔口乾，完全唔洗加味精既靚湯。椰菜瑤柱海皇湯 $108又係真材實料炮制既靚湯，睇到係好多料，乾瑤柱蠔豉椰菜，湯底好香濃。比起椰皇燉嫩雞既清香，呢個相對清甜，但同樣飲得出冇落味精燉出黎，味道好鮮好好飲，雖然唔係皇牌燉湯但一樣都咁正。荔枝柴燒鵝飯 $98仲有邊間店會咁用心用荔枝柴煙薰燒鵝，聽到呢樣都加分啦！食落真係特別好食，皮脆肉嫩，鵝香撲鼻，認真想買走比屋企人試下，可以試下買全隻荔枝柴燒鵝，配埋
鼎爺私房菜出名，我諗好多人都知，鼎爺靚湯都好有特色，今次有埋棋哥燒鵝，雙劍合壁，有靚湯有燒味，最傳統既港式美食共聚一餐廳。
一入舖頭就覺得裝修好有心思，門口有懷舊鐵閘，牆上有手繪壁畫、懷舊海報同復古算盤做設計，好有懷舊感得黎，又唔會令人覺得好老套。就連餐牌、餐紙都有用心設計，有哂港式元素係入面，不得不讚。
最期待都係黎食好野，樣樣都想試下。
椰皇燉嫩雞 $138
此乃舖頭皇牌燉湯，最想試就係呢個湯。原個椰皇放上碟，一開椰蓋係好香椰香，裡面仲有唔少椰子肉同雞肉，味道好香甜，用兩個椰皇水加椰子肉再加雞所燉，飲得出足料炮制，飲哂都唔口乾，完全唔洗加味精既靚湯。
椰菜瑤柱海皇湯 $108
又係真材實料炮制既靚湯，睇到係好多料，乾瑤柱蠔豉椰菜，湯底好香濃。比起椰皇燉嫩雞既清香，呢個相對清甜，但同樣飲得出冇落味精燉出黎，味道好鮮好好飲，雖然唔係皇牌燉湯但一樣都咁正。
荔枝柴燒鵝飯 $98
仲有邊間店會咁用心用荔枝柴煙薰燒鵝，聽到呢樣都加分啦！食落真係特別好食，皮脆肉嫩，鵝香撲鼻，認真想買走比屋企人試下，可以試下買全隻荔枝柴燒鵝，配埋個鵝籃真係好有風味!
單拼玫瑰豉油雞 $78
油雞成隻脾上，好吸引，雞仲係剛剛好熟，特別嫩滑，配埋瀨粉食，好滿足
脆皮燒腩仔例牌1碟 $108
肥瘦適中，肉質層次分明，一咬層皮仲係脆卜卜既，肉質夠軟腍，味道可口。燒腩最驚食到太咸，呢到味道剛剛好
外賣樽裝港式奶茶x1/阿爺涼茶x1 $28 (阿爺涼茶跟餐可以優惠價$10 追加)
專登要試埋呢到既樽裝港式野飲，凍奶茶香滑，有茶味得黎剛好亦唔會太澀，重點唔太甜，正！
阿爺涼茶-雞骨草 味道比起市面樽裝既冇咁甜，果然係自家涼茶。食完咁多肉飲返啖真係清熱解毒呀！
最後飲唔哂d湯唔知點算，原來有外賣湯杯可以比客人拎走架！個湯杯設計好靚，可以方便隨手飲用，完全估唔到，咁細心又新潮既設計，睇黎過黎買湯拎走飲都有得諗喎！ 一絲不苟到連外賣紙袋都有設計過，真心佩服呢間係食物同品牌設計都咁用心既餐廳。
張貼
