影片
更多
2020-11-04
49 瀏覽
K11有間望落幾似「蘋果舖」嘅三文治店，以為又係乜乜過江龍，原來係本地薑，亦係香港首間鐵板燒三文治餐廳。三文治有乜咁特別？見佢唔少食材都係自製同埋精挑細選過，例如麵包係自製湯種麵包，唔用牛油避免麵包變軟，改用植物油，亦選用本地水耕新品種水晶生菜，呢d真係未食過，要試下。🍴蝦兵蟹將鐵板三文治套餐 HK$101麵包內外都烤得幾香，小龍蝦軟殼蟹亦炸得香脆，醋漬紅蘿蔔絲酸酸地好醒胃，加埋紫椰菜絲，好爽脆，層次豐富。🍴慢調撕理食肉獸鐵板三文治套餐 HK$101手撕慢煮牛仔排夠腍，啖啖肉，同茄蛋好夾，水晶生菜比普通生菜更爽脆，芥末籽蛋黃醬幾惹味。🍴大隻水手鐵板三文治 HK$52炸雞夠脆，唔鞋口，菠菜都幾爽脆，醃青瓜好醒胃。🍴3日3夜自家手切薯條（中）（跟餐）究竟餐廳用3日3夜對薯條做過d咩呢？原來薯條首先經過慢煮，然後低溫輕炸定形，最後高溫炸到金黃色，聽落唔簡單，食落又確實幾正，外皮特別薄脆，薯蓉香甜綿滑，加7蚊有得配一款自家製醬料，有特製番茄醬、松露蛋黃醬同黑蒜滋味醬，前兩款成日食，所以揀左黑蒜滋味醬，香甜蛋黃醬做底，混入黑蒜獨特香氣，再溝埋是拉差醬，香、甜、酸、辣，一試難忘。🍴自家製蟹肉忌廉餅
🍴蝦兵蟹將鐵板三文治套餐 HK$101
麵包內外都烤得幾香，小龍蝦軟殼蟹亦炸得香脆，醋漬紅蘿蔔絲酸酸地好醒胃，加埋紫椰菜絲，好爽脆，層次豐富。
🍴慢調撕理食肉獸鐵板三文治套餐 HK$101
手撕慢煮牛仔排夠腍，啖啖肉，同茄蛋好夾，水晶生菜比普通生菜更爽脆，芥末籽蛋黃醬幾惹味。
🍴大隻水手鐵板三文治 HK$52
炸雞夠脆，唔鞋口，菠菜都幾爽脆，醃青瓜好醒胃。
🍴3日3夜自家手切薯條（中）（跟餐）
究竟餐廳用3日3夜對薯條做過d咩呢？原來薯條首先經過慢煮，然後低溫輕炸定形，最後高溫炸到金黃色，聽落唔簡單，食落又確實幾正，外皮特別薄脆，薯蓉香甜綿滑，加7蚊有得配一款自家製醬料，有特製番茄醬、松露蛋黃醬同黑蒜滋味醬，前兩款成日食，所以揀左黑蒜滋味醬，香甜蛋黃醬做底，混入黑蒜獨特香氣，再溝埋是拉差醬，香、甜、酸、辣，一試難忘。
🍴自家製蟹肉忌廉餅配他他醬 HK$32
另外散叫左一份蟹肉忌廉餅，炸得香脆唔油膩，餡料塞到滿晒，好食過急凍現成貨多多聲，他他醬調得幾輕盈，仲有酸瓜同蛋白粒兩種口感。
🍴伯爵茶鮮奶咖啡（跟餐） HK$10、玫瑰鮮奶咖啡（跟餐） HK$10
咖啡豆有得揀堅果或果酸兩種風味，本身鍾意甘多過酸，所以兩杯都揀左堅果風味。咖啡唔算濃，不過幾甘醇，同伯爵茶嘅淡淡佛手柑香氣好夾。玫瑰咖啡亦都幾芳香。
📍HAND3AG
尖沙咀河內道18號K11購物藝術館B2樓B226-B227A號舖
張貼
