甜姨姨私房甜品 (清風街)

營業中

休息中

好多年前睇住甜姨姨開，佢啲甜品真係有創意同品質好高。選料一定係靚。雖然我搬離天后一排，久不久都會揸車去買甜品外賣，但真係加價加到飛起，$50 外買自取芒果大合奏已經比其他甜品舖貴一截，個外賣碗又細又扁，放埋個雪糕球，真係無咩位裝其他材料。比起印象中大合奏，雪糕球係放係滿滿的碗之上，真係大失所望！最慘嘅係，啲芒果仲酸「拿利」。食一啖，條舌頭都赤一赤！連我細仔都話以後唔再買甜姨姨外賣啦！希望大家睇到我食評後，唔好再中伏了。