睇戲前梗係食番餐好西啦！
行經見到有間新開既壽司鋪-九井
用日本新幹線同埋親子樂做主題
一入到門口就會見到一個小朋友Corner 比小朋友拿玩具、書去玩去睇
餐廳內部就用車廂做主題
左右車廂都係有藍白配搭既卡位+單邊長枱
而座位旁邊就有兩層既輸送帶
一條係比 小新幹線行 來送大件少少既野食
好似丼飯、定食果類
一條就係 用來運送一碟碟既壽司
每個座位都會有一部Pad比你落Order
除左汁枱仲係人手，基乎九成都電子化晒
每累積夠4道菜就會有一次抽獎機會
起初無睇到個行字仔
嚇左一嚇 無啦啦播動畫
之後望真的...原來係抽獎～
依到賣個關子先～等大家自己體驗下比佢嚇下！
我地兩丁友仔各自叫左兩個丼飯、小食同埋刺身 合計都係$330到 超級抵食！
首先，一定大推金の刺身丼 $128
$128竟然有齊：
甜蝦 、三文魚 、油甘魚、帶子 、海膽、三文魚籽
簡直大滿足！！！
另一個丼飯都唔輸蝕嫁～
海膽三文魚籽丼只係$78
就有一半海膽一半三文魚籽～
而用既海膽口感偏奶油同埋甜身～正！
而我地仲叫左
燒鯖魚 $38
餐廳只係簡單用左鹽去醃
皮燒得好脆口
而肉質依然好鮮嫰多汁
加埋少少檸檬汁味道簡直Good Fit！
而個人係三文魚控
眼見三文魚腩刺身只係 $40
點可以唔來番碟呢～
三文魚腩表層𠝹左十字紋
避免左好多人怕魚腩食落口好似食肥膏既口感
相當貼心啊～
仲要好新鮮 一食落口就入口即溶！
食餐壽司竟然好似玩出奇蛋甘
一次滿足你三個願望～
食飽飽 睇飽飽 玩飽飽
