影片
更多
2016-10-03
1034 瀏覽
又到一年一度嘅大閘蟹季節啦！話說每一年嘅大閘蟹季節，我都會食返幾多隻幫襯下。平時呢個季節我都必定每叫番啲三五知己一齊黎食下大閘蟹，聚下咁樣嘅，但係今年未着已經忍唔住想先食幾隻頂住先！一嚟到啲大閘蟹已經係枱面度等緊我啦！一座一座嘅大閘蟹山喺我面前唷~~等間對唔住嚕，我要，我要，好快食咗你落肚，哈哈。一般嘅大閘蟹要蒸十幾至20幾分鐘就OK啦，視乎大閘蟹嘅大細而決定，不過今次唔使我自己整呀，淨係坐喺度等食就得啦！我哋今次食嘅大閘蟹就係公，開咗個蟹蓋之後我已經有D膏流左出嚟，係個蟹蓋嗰度已經有啲好creamy 嘅膏喺度，用隻專用嘅匙羹仔慢慢咁樣食超正啊，之後佢個身仲更加多膏，咬落去呢。。。。一個字正！除咗可以食到一隻隻嘅蟹之外，叫咗個蟹粉小籠包，呢度嘅蟹粉小籠包係一個用一個籠嚟蒸，非常之精細，初頭都會驚一爽起就流晒啲湯出嚟，但係點知完全唔會發生。跟住又擔心會唔會個皮好口呢，但係又完全唔會發生喎，食落去層皮其實厚薄適中，一咬落去啲蟹膏嘅味道再加豬肉嘅香味，仲飲埋啲湯，鮮味十足。平時兩面黃就食得多，今次兩面黃上面再加埋啲蟹膏同埋蟹肉，食落去又係別有一番風味。上面嘅蟹黃醬好足料，食落去啖啖都有蟹黃嘅
一嚟到啲大閘蟹已經係枱面度等緊我啦！一座一座嘅大閘蟹山喺我面前唷~~等間對唔住嚕，我要，我要，好快食咗你落肚，哈哈。
一般嘅大閘蟹要蒸十幾至20幾分鐘就OK啦，視乎大閘蟹嘅大細而決定，不過今次唔使我自己整呀，淨係坐喺度等食就得啦！
我哋今次食嘅大閘蟹就係公，開咗個蟹蓋之後我已經有D膏流左出嚟，係個蟹蓋嗰度已經有啲好creamy 嘅膏喺度，用隻專用嘅匙羹仔慢慢咁樣食超正啊，之後佢個身仲更加多膏，咬落去呢。。。。一個字正！
除咗可以食到一隻隻嘅蟹之外，叫咗個蟹粉小籠包，呢度嘅蟹粉小籠包係一個用一個籠嚟蒸，非常之精細，初頭都會驚一爽起就流晒啲湯出嚟，但係點知完全唔會發生。
跟住又擔心會唔會個皮好口呢，但係又完全唔會發生喎，食落去層皮其實厚薄適中，一咬落去啲蟹膏嘅味道再加豬肉嘅香味，仲飲埋啲湯，鮮味十足。平時兩面黃就食得多，今次兩面黃上面再加埋啲蟹膏同埋蟹肉，食落去又係別有一番風味。上面嘅蟹黃醬好足料，食落去啖啖都有蟹黃嘅味道，亦都有蟹肉嘅質感，軟熟嘅醬汁加在脆卜卜嘅面上面，當真唔錯！
平時自己整已經好少整花膠嚟食，因為個工序就比較複習，今次見到呢個菜式有花膠，仲加埋蟹黃，豆腐，食落去有花膠嘅膠質，豆腐的香滑，再加埋蟹黃嘅香濃，配搭得幾好，撈飯一流。
食完大閘蟹之後就到薑茶嘅出現啦，平時自己係屋企就會煮啲紅糖薑茶，呢度就將紅糖薑茶煮芝麻湯圓。講真真係要讚下呢一個芝麻湯圓嘅湯底，佢甜得嚟又有姜嘅小小辣味，飲落去非常之暖胃，又可以一解飯後甜品的魔咒。
講真如果係屋企食的話呢，自己就淨係會整幾隻蟹嚟食，如果要我慢慢係屋企將原隻蟹攞啲蟹膏出嚟再去煮其他餸，係完全冇可能嘅事，所以今次出咗嚟食，我學會左都係出嚟食un un腳，唔使煮唔使洗好，哈哈！
張貼
