海幸壽司 (已結業)

今晚我們去咗何文田勝利道嘅「海幸壽司」食晚飯！我們叫咗松葉蟹海鮮丼、鰻魚飯、什錦鍋燒烏冬、三文魚頭鹽燒、銀鱈魚西京燒、明太子玉子燒、芝士年糕同紫芋甘栗餅！松葉蟹海鮮丼嘅賣相相當精緻吸引，油甘魚同三文魚都非常新鮮嫩滑，海膽亦超鮮甜軟滑，松葉蟹嘅肉質好鮮味彈牙！鰻魚飯嘅鰻魚肉質非常嫩滑彈牙！什錦鍋燒烏冬嘅烏冬相當爽滑彈牙，炸蝦天婦羅炸得好爽甜香脆，炸粉亦唔會好厚！三文魚頭鹽燒嘅燒得表面好香脆，入面嘅肉質相當嫩滑！銀鱈魚西京燒嘅味道好鮮甜，肉質亦超嫩滑彈牙！明太子玉子燒係新鮮即叫即燒，嫩滑嘅玉子包住鮮味嘅明太子，真係非常惹味同口感極之豐富！芝士年糕嘅年糕表面有塊紫菜包住香濃嘅芝士加埋煙韌彈牙嘅年糕一齊食，真係超好味呀！紫芋甘栗餅入面真係有粒粒甘栗，紫芋相當軟滑，味道非常香甜！