一哥點心 (已結業)

想食一哥點心好耐，趁放假就黎試下。張枱同座位有少少迫，不過姐姐幾熱情有禮，隔離走左仲幫我地拍埋張枱，唔似之前嘅人講得服務咁差。燉蟲草雞湯，味道幾濃，三十元有少少貴。紫薯流心煎堆，餐紙印左呢個點心，應該最招牌係佢，外面痴滿糖粒，咬落有流心奶黃同紫薯蓉，如果糖粒少啲更好，太多糖了。鵪春蛋燒賣，就係肥嘅豬肉同鵪春蛋吧，豬肉部分偏咸。千島醬炸蘿蔔糕，外層幾薄，蘿蔔絲幾大件，唔會只得粉，味道唔錯。春風得意腸，都唔錯，但未必想再食，可能今餐太多炸野。魚翅餃，薄薄嘅皮，包住新鮮嘅蝦同蔬菜粒，幾鍾意呢個餃。咸水角，雖然同其他野一樣新鮮熱辣，但皮偏厚。食完呢餐，好熱氣，飲碗廿四味都無用，下次唔食咁多炸野，試其他先。