麻辣風雲 (已結業)

今日突然好想食川菜，就嚟到旺角呢間人氣正宗川菜餐廳，一直都知道佢嘅酸菜魚好出名，但係今次食完之後發現佢其他菜式都好出色😎混合左新派特色。除咗好食之外，都非常適合打卡。荔枝蝦球呢道菜10分驚艷到我，佢一拎上嚟，我就即刻俾佢嘅賣相吸引咗，佢好似一棵荔枝樹，仲要有乾冰製造出煙霧效果，就咁睇我已經好好奇佢係咩味道，點知原來係炸蝦球。蝦球炸得鬆脆彈牙，蝦肉本身多汁，配埋甜酸汁，成個感覺唔會太油膩，越食越開胃。酸菜魚酸菜魚一如既往好有水準，今次我揀咗小辣同埋小酸～酸菜魚湯底酸而不膩，帶有一份清新的酸味，令人胃口大開。魚肉鮮嫩多汁，每一口都散發出濃郁的魚香，酸菜的酸味與魚肉的鮮美完美結合。有萵筍同埋薯粉等等，都吸收左湯汁的風味，帶來一種酸甜爽口的口感。欖菜四季豆粒炒飯欖菜四季豆粒炒飯真係好好味！炒飯中的四季豆粒保持了脆嫩的口感，炒飯粒粒分明，欖菜的鹹度與炒飯的香氣相互融合，讓整道菜式更加豐富多層次。