影片
更多
2019-08-25
89 瀏覽
Cafe Retour #旺角呢間位於通菜街嘅餐廳雖然唔係好起眼，而且裝修亦都唔算太華麗，但係晚餐嘅時候都座無虛席，而且價錢非常平，本身見到間餐廳裝修有少少舊冇乜太大期望，點知原來係出乎意料咁好食！一間餐廳有好多唔同配搭的焗薯，而且仲有焗薯套餐，即係有塊扒再加焗薯，都只係七十幾至九十幾蚊左右，如果都唔夠食仲有意大利粉同埋Pizza！意式芝士肉丸焗薯 $45雖然個焗薯本身冇加啲咩調味，但係因為上面擺咗番茄醬、肉丸同埋芝士，成件事即刻變得好惹味！尤其是係佢個番茄醬加埋啲芝士一齊焗，個味道有啲似焗豬扒飯，酸酸甜甜咁好好味！另外食多底冇晒啲番茄醬同芝士嘅話，佢本身都有一個焗薯嘅海鹽俾你加，加咗之後成件事即刻好味左好多，不過個海鹽本身都偏鹹，建議加少少就夠曬。紐西蘭羊鞍(三支骨)配蛋碎焗薯 $99講真$99可以食到三塊羊扒再加一個咁大嘅焗薯真係好抵！羊扒氈味重，肉質都算幾淋，而且仲煎得好香，係完全唔使點佢附送嘅醬汁都得。雖然蛋碎焗薯冇芝士肉丸焗薯咁惹味，但係都會真係食到有一啲蛋白粒係入面，最都唔係用蛋黃整成嘅沙律醬，唔會太膩，都唔錯！另外呢個係一個套餐，所以仲會附送埋塊蒜蓉包、忌廉湯或者羅宋湯、
呢間位於通菜街嘅餐廳雖然唔係好起眼，而且裝修亦都唔算太華麗，但係晚餐嘅時候都座無虛席，而且價錢非常平，本身見到間餐廳裝修有少少舊冇乜太大期望，點知原來係出乎意料咁好食！一間餐廳有好多唔同配搭的焗薯，而且仲有焗薯套餐，即係有塊扒再加焗薯，都只係七十幾至九十幾蚊左右，如果都唔夠食仲有意大利粉同埋Pizza！
意式芝士肉丸焗薯 $45
雖然個焗薯本身冇加啲咩調味，但係因為上面擺咗番茄醬、肉丸同埋芝士，成件事即刻變得好惹味！尤其是係佢個番茄醬加埋啲芝士一齊焗，個味道有啲似焗豬扒飯，酸酸甜甜咁好好味！另外食多底冇晒啲番茄醬同芝士嘅話，佢本身都有一個焗薯嘅海鹽俾你加，加咗之後成件事即刻好味左好多，不過個海鹽本身都偏鹹，建議加少少就夠曬。
紐西蘭羊鞍(三支骨)配蛋碎焗薯 $99
講真$99可以食到三塊羊扒再加一個咁大嘅焗薯真係好抵！羊扒氈味重，肉質都算幾淋，而且仲煎得好香，係完全唔使點佢附送嘅醬汁都得。
雖然蛋碎焗薯冇芝士肉丸焗薯咁惹味，但係都會真係食到有一啲蛋白粒係入面，最都唔係用蛋黃整成嘅沙律醬，唔會太膩，都唔錯！
另外呢個係一個套餐，所以仲會附送埋塊蒜蓉包、忌廉湯或者羅宋湯、同埋一杯熱飲，真心抵食！
白酒忌廉煮蜆 $35
第一眼望以為佢係忌廉湯咁嘅味有啲失望，點知食落去超香白酒！但係又唔會覺得苦，成個湯汁真係超好味，唯一美中不足係啲蜆有少少沙唔係太新鮮，不過佢個汁真係好味到蓋過晒所有缺點！
煙三文魚沙律酥盒 $16
雖然個size少少細，不過佢個酥皮的確係非常鬆脆，而且佢將煙三文魚磨成茸，攞埋啲沙律醬一齊有幾特別喎，雖然食唔到一塊塊嘅煙三文魚，但係又真係好濃嘅煙燻味！
講真入嚟之前嘅期望真係唔係好大，佢望落去有少少殘舊，真係唔係講笑佢性價比真係超高！真心覺得好好食，強烈推介！
味道: 4.7/5
性價比: 4.9/5
張貼
