Hunger Strike (第三街) (已結業)

今次嚟度第三街食一間墨印餐廳！夏日炎炎，食lunch都冇乜胃口嘅時候，自不然就想食啲煎炸類，或者burger類嘅食物，所以，今次周圍行，周圍搵，就入咗嚟呢間餐廳開餐喇！入到去睇個menu, 價錢唔貴，而且加錢可以升級combo，唔使散叫！我同朋友就點咗烤豬頸肉墨西哥夾餅同雞肉壓烤三文治，兩個upgrade combo! 兩樣食物都係即叫即整，十分有誠意，加上醬汁夠多，食落唔會好乾, 而且夾餅同壓烤三文治由於即叫即整關係，唔會放凍而變得淋身或者咬起上嚟un 身，呢點真係值得一讚，因為平時其他餐廳叫烤麵包/三文治時，放一陣再食，已經好快變得好un...至於薯條方面，係我至愛嘅粗身薯條！正！整體來講，呢間餐廳俾到驚喜我，大家不妨一試！