輕鬆一下 (已結業)

路經見到間野好似有幾多野揀，有車仔麵，上海麵，小食都有，仲有最緊要係有位，午餐時間，搵位真係唔易。要個豬扒肉醬麵，唔洗二分鐘就有得食，快手。肉醬唔係平時食果d，係冬茹粒加瘦肉粒，冬茹幾入味，瘦肉腍身唔韌已經收貨，不過個汁酸酸地，攪喎左兜野。麵較為腍身，不過份量多，夠哂飽肚。豬扒，大大塊，不過凍冰冰，救命，無咩師傅出馬，算係咁。呢到d野勝在份量夠，驚你食唔飽。$34蚊，食左個唔太滿意既豬扒肉醬麵。