今個星期天氣又涼涼地，最適合莫過於去打邊爐，今次揀左去一直都未試過既鍋呵呵，又有得雞煲又有得打埋邊爐，唔錯之選，但今次人少少就淨係揀左打邊爐，地方座位亦唔錯，價錢都算合理！
叫左個芫茜皮蛋鍋，清清地得黎又可以下火又食到食物既真正鮮味，以下都值得推介既食物，薄片脆鯇魚片，大大片都幾新鮮，鮮甜中又好味，一碟得份量唔算太多，都唔係幾夠喉但真係幾好味既！
爽口鮮鵝腸，唔係周圍都有得食同lee度事前清理功夫都得做得幾好，都好乾淨，食落好爽好彈牙，都唔錯！
簡簡單單既豆卜，豆味都幾重，炸得口感唔錯，但最後食到中段或者尾段先開始食比較好，食起黎索晒d湯既精華，好味得多！
