琦興餐廳

街坊小店，一向叫開外賣，睇到佢哋推煲仔飯，就行過嚟試吓堂食。收銀姐姐同車手姐姐都好好人士，呢樣要讚。

老闆話由光頭仔主理煲仔飯，款式算多

$72

老闆開post推光頭仔處理煲仔飯，所以叫開外賣嘅我就特登行過嚟試吓，天氣凍凍地食熱辣辣嘅煲仔飯，真係冇得輸。飯焦控制得恰到好處。加幾蚊又可以有飲品，一邊食熱辣辣煲仔飯，一定要配一杯凍飲先得。😜

啲雞真係滑嘅，最重要係飯焦控制得恰到好處，熱辣辣冇得輸

$73

我相公鍾意食羊肉，所以叫咗呢個$268嘅羊腩煲，份量好多，送一碟生菜，羊腩煮得好腍，不過唔係好似雞煲咁可以加幾蚊叫飲品。下次會試雞煲。

凍凍地都係想烚吓烚吓，就加咗三款配料，但係都係食唔晒。每款好似係，有啲$48？唔記得咗。

因為係茶餐廳嘅緣故，款式梗係唔會好似專門打邊爐店咁多。