杏甜品 (香檳大廈) (已結業)

行開尖沙咀，經過美麗華對下條斜路～抬頭望到有間湖水綠色看似幾靚嘅甜品舖～個名叫「🌿「杏」Almond Dessert 」～一聽就知係主打杏仁類甜品/各類燉品～「🥥椰皇桃膠燉雙皮奶」稍為嫌佢唔夠熱辣辣～不過整體味道算高質🌟充滿濃濃椰香味，底層嘅雙皮奶都好滑溜～配上桃膠，絕對感受到佢帶俾你嘅滋潤感～另外，人係貪心嘅😝佢地有得+加配，我就特別加咗鵪鶉蛋～平時啲甜品舖加雞蛋🥚就多，鵪鶉蛋我都係第一次見～細細粒倒曬入椰皇入面剛剛好❤️如果矜貴啲，佢地有鴿蛋加配就更好喇～成件事養顔滋潤程度幾級跳呀！「🥭芒果爽冰」新鮮嘅生果爽冰係佢地店舖嘅另一個賣點～🍧爽冰質地相比綿綿冰/刨冰感覺更加綿密細膩～至於味道方面，有芒果「甜」但冇芒果香～成個甜品令你覺得係「好芒果呀」，但冇「嘩！係芒果呀！🤩」嘅感覺～整體我覺得呢款不過不失，另外+加配左西米～🙈🙈千祈唔好將西米撈落冰底，唔係會變硬米～