鴻圖樓茶餐廳

營業中

休息中

經常路過，見到 Openrice 評語幾好，今次終於有機會嘗試。門口入去，見到師傅啱啱攞兩隻新乳豬去燒味檔，另外一個師傅就好勤力咁喺度斬斬斬，心唸呢度嘅燒味應該都真係名不虛傳。即刻點個乳豬三寶飯食先，點知：乳豬係凍嘅、叉燒係凍嘅、油雞翼係凍嘅、啲菜係凍嘅、最離譜啲飯都係凍㗎。個店坐滿九成客，我睇住燒味檔個飯盤喺度係咁冒蒸氣⋯ 你點解會有碟凍碟頭飯出嚟㗎⁉️⁉️⁉️趕時間，都冇心機同佢嘈，死死氣食埋佢。另外叫咗碟豉油王炒麵，啲麵質幾靚，炒得唔錯，但係豉油唔係頭抽，幾條尤魚絲完全冇味。應該都唔會再嚟。