椎名町居酒屋 (已結業)

睇openrice見到e間野個環境好正，食評就有好有壞，我就最愛試新野，試下又唔使死既！一早book左位，個侍應帶我地去到室內既坐位，但我提議話想坐室外！個境真係好正，約埋三五知己良朋一齊飲下食下又得，情侶二人世界又浪漫！D食物款式唔多，但都算新鮮，我主攻魚生，但都係得三文魚，魚，8爪魚，同埋假鮑片！至於火鍋我地揀左地獄湯底，可惜個湯無乜味又唔辣，不過火鍋料有蝦又有雞子，都算係咁，但d天婦羅就一般般，粉太厚，選擇唔多！講真$128/位，有魚生（雖然唔多款）任食，又有啤酒任飲，最重要個環境又咁靚，重想點？！凈係個鏡已經抵到爛！