禾牛薈火煱館 (南角道) (已結業)

打邊爐一定要冷氣夠大，呢度係做得好好😋😋去九龍城搵食咗咁多次，第一次食呢一間邊爐，原來佢喺尖沙咀都有分店。

今次同細佬兩個人一齊食，唔需要等位，好快就有卡位，每個卡位都有一部小電視可以一邊食嘢，一邊睇電視，好開心😆

呢度最推薦佢係佢嘅一Tang而且佢有好多唔同牛肉部位，如果鍾意食牛嘅朋友一定好開心！（包括我細佬）
另外佢哋都有一啲刺身，同埋自家製嘅小食。刺身都幾新鮮，自家製小食可以一試👍

整體食物質素都幾好，不過就覺得有啲單品比較貴，或者份量比較少，但係食得出係好質素嘅食物🙈 侍應都好親切，會幫手。

嘢飲方面，我哋嗌咗自家製嘅蜂蜜蘆薈，然後再加梳打水。正

人均大概$800左右