頭盤來了一客乳豬全體，大家興高采烈起筷時，卻一致地表示，「隻豬好肥喎，似燒肉多過乳豬」
由於太多親友在場不便港女上身拍食物照，不過件乳豬肥膏近乎成 1 cm 咁厚（就當四捨五入吧），一入口係成口油
得片外皮及底層皮咁薄嘅肉，再來多件也不見得大分別 
同枱親友話，隻豬嘅手手腳腳叫做較為無咁肥，真係超無奈
是晚有窩豬肺雞腳湯，清清地，應該無乜味精，好多湯渣，水多兼好淡好淡，無乜油
其中一味瑤柱蛋白帶子炒飯，親友第一個吃時，反應是一陣雪味
然後忍不住要吐出來；我也吃了一口，實在設身感受到那種雪味的怪，接連通知附近似資深的女待應，意想不到她的回應竟是：「這碟瑤柱蛋白炒飯無添加任何調味，吃到帶子的鮮味不足為奇。」我們說不是吃出鮮味，是未徹底解凍的怪味，難道冰鮮味就是所謂的鮮味？她回應：「係咁架，帶子係冰鮮架嘛，呢個炒飯比較清，所以食到帶子嘅鮮味有d 冰可能有 d 客唔太慣！」我們真的呆了⋯⋯ （乜人會慣食冰鮮味呀，阿姐？？？）
嘗試請這待應通知廚房，但她堅持這是正常的味道，大可給的我們豆瓣醬自行調味，蓋過所謂冰鮮味以免浪費。這樣的服務，實在罕見，為了大家的肚皮，我們寧可選擇放棄被迫做大嘥
！因為那種雪味根本就是未完全解凍下就烹調的味。
由於眾親友置在團聚，意不在吃，就乾脆了事，吃了這頓不飽的晚飯！
總括而言，咁嘅食物質素，真係求其搵間茶餐廳都高水準過呢度囉！
