影片
更多
2013-07-15
385 瀏覽
前排有同事講過灣仔間李公館個冰鎮咕嚕肉好好食好創新，重畀張相我睇，睇到都覺得吸引，於是就打去book位，原來個冰鎮咕嚕肉係要訂架，好彩打左電話去book位而唔係walk in。我地7個人收工就走去食呢餐晚飯，坐嗰張枱有塊玻璃圍住，自成一角，係傾偈嘅好位！整體黎講都唔錯，叫左9個餸，我地個個食完都好滿足好滿意。一開始就飲左個杏汁豬肺湯，杏仁味都好重好香。個層層疊煎藕餅都幾脆，真係逐條打"井"字疊上去，名符其實係層層疊。金磚豆腐好香口，豆腐連埋菠菜一齊炸，我地個個都畀面頭D配菜炸金菇吸引左，哈哈！之後再點左個胡椒蝦，我地有幾個都好食得辣，覺得唔夠辣，但有幾個唔食得辣嘅就覺得岩岩好。呢個係茶勳雞，book位嗰陣聽電話個人推介，都係要訂，就順便訂埋試下。隻雞本身幾滑，但我地有幾個人就對茶葉陣味麻麻地，有幾個就覺得OK。我地等左好耐嘅冰鎮咕嚕肉終於到啦！呢個真心推介！綠黃色座"山"係冰糖，我地都有打碎少少食左少少，哈哈！D咕嚕肉就收埋喺冰底，一食落口好脆，因為有冰糖喺面，面頭D生果都係，重點係鋪喺面D冰糖唔會好厚，所以唔會好甜。不過黃色嗰D番茄說淡左D。我地見到隔離枱有食呢個咕嚕肉，但係冇左座山
我地7個人收工就走去食呢餐晚飯，坐嗰張枱有塊玻璃圍住，自成一角，係傾偈嘅好位！整體黎講都唔錯，叫左9個餸，我地個個食完都好滿足好滿意。一開始就飲左個杏汁豬肺湯，杏仁味都好重好香。
個層層疊煎藕餅都幾脆，真係逐條打"井"字疊上去，名符其實係層層疊。
金磚豆腐好香口，豆腐連埋菠菜一齊炸，我地個個都畀面頭D配菜炸金菇吸引左，哈哈！之後再點左個胡椒蝦，我地有幾個都好食得辣，覺得唔夠辣，但有幾個唔食得辣嘅就覺得岩岩好。呢個係茶勳雞，book位嗰陣聽電話個人推介，都係要訂，就順便訂埋試下。
隻雞本身幾滑，但我地有幾個人就對茶葉陣味麻麻地，有幾個就覺得OK。
我地等左好耐嘅冰鎮咕嚕肉終於到啦！呢個真心推介！綠黃色座"山"係冰糖，我地都有打碎少少食左少少，哈哈！D咕嚕肉就收埋喺冰底，一食落口好脆，因為有冰糖喺面，面頭D生果都係，重點係鋪喺面D冰糖唔會好厚，所以唔會好甜。不過黃色嗰D番茄說淡左D。我地見到隔離枱有食呢個咕嚕肉，但係冇左座山，問返個經理先知原來冇訂嘅話係冇左座山，但個人覺得冇左座山冇咁靚，噱頭冇左。簡單講句係無得輸，我地7個個個都like!最後甜品係番薯壽包，呢個真係第一次聽＝＝“開頭以為係黃色番薯，點知原來係紫心@0@"
有個同事唔食番薯，就叫左個芒果布甸，佢話係一個有芒果味有芒果肉嘅正常布甸。我諗我會再去食多次個冰鎮咕嚕肉，哈哈！
張貼
