雅菀冰室 (已結業)

<雅苑冰室 >大年初三好多人都會去拜神，今日我都好充實，先去完芙蓉山拜四面佛又再準備去圓玄學院嘞！眼見排隊去圓玄學院嘅人龍長得恐怖，我地當然係喺附近醫左肚先!由於吾知陣間要排幾耐，所以都係求其喺冰室食個快😅我揀左個常餐，常餐本身係 Hkd50, 但新年期間要加 20%,即係變左 Hkd60。我哩個係餐腸麫配牛奶炒蛋加牛油多士。都係一般冰室水準啦。雖然佢寫住牛奶炒蛋，但吾好唸住會好滑，基本上同就咁普通炒蛋都係咁上下。宜家仲有廚師腸喎，但其實我覺得廚師腸超喊，我就麻麻地鐘意，吾知大家又鐘吾鐘意食呢？？