敏華冰廳 (珀御)

營業中

休息中

今日LUNCH食左敏華，因為都幾肚餓（晏左食LUNCH），所以揀左個價值約HKD$80的雜扒飯套餐。個套餐既雜扒有午餐肉、豬扒，雞扒，腸仔。肉類既份量一定足夠你食飽，因為都幾多下。午餐肉味道夠濃..好食，雞扒個面佢煎得塊皮脆脆地..令到塊雞扒都幾香口。而最好食既我覺得係塊豬扒，佢撈左D鹽焗蔥油，成塊豬扒夠哂咸味，而豬扒好夾鹽焗既陣味。最後一定要試埋敏華既凍奶茶，一般出面冰室既凍奶茶係會加冰，變相D冰溶就會令到杯奶茶越來越淡，但敏華既凍奶茶係唔加冰，應該係原份奶茶雪凍，所以佢唔會有溶冰後奶茶變淡既問題。