泰鳩 (已結業)

我個人係幾鍾意唔會太賣弄辣度嘅泰菜。今日俾我遇到一間，油麻地嘅”泰九鳥”。餐廳有自然光，幾舒服。我哋首先叫咗頭盤”泰式涼拌鮑魚”。係冰凍大隻嘅鮑魚上面淋上少少辣嘅泰式醬，非常開胃同涼快。跟住嚟咗”黃金蝦餅”，原本以為冇咩特別，但一咬落去就熱到焫親嘴😂。同剛才嘅鮑魚一齊食，可以形成冰火享受😂😂。主菜叫咗呢度signature “冬蔭功烤魚”。一整條鱸魚喺個爐上邊，一路有個火燒住。喺呢個冷氣爆棚嘅餐廳入邊食呢個非常熱嘅鱸魚，又係另一種冰火享受😂😂。講返個魚本身，其實冬陰功嘅味道唔算好突出，但亦都因為咁唔會令到個魚好酸好辣。有時食冬陰功就係食耐咗覺得好酸好滯，呢度就唔會有呢個問題，而大家係可以食得好happy嘅。最後我哋叫咗飲品，”椰香斑蘭咖啡”。色彩分層明顯，飲落都有啲特別，但唔會好甜嘅斑斕味咖啡。本身唔算迷mirror error，不過呢間佢哋成員有份開嘅餐廳，質素算係唔錯。