冬蔭公公 (已結業)

OT後食埋野先回家，到了近車站的荃灣廣場，介紹同事黎食冬蔭公公，個人很喜歡佢個冬蔭功湯底。多左個一人邊爐餐，好似幾正咁樣。落完單店員送上餐具，乾淨程度一般，自己攞紙巾抹一抹啦。兩杯凍奶茶（$9/ea），略淡，但勝在夠大杯。炸魚片冬蔭功湯檬粉（$49）同事叫了少酸同要檬粉，都幾大碗喎。魚皮分開上，夠香脆，不是死鹹。豬頸肉冬蔭功湯紅薯粉（$56）紅薯粉有咬口，吸了湯汁好正，豬頸肉有四、五片，肥肥地有咬口。同樣叫了少辣，呢個辣度對我黎講啱啱好，酸酸地有香茅香，勁正的湯底，飲哂全碗湯呀～不用加一，都幾抵食吖。