海港燒鵝海鮮酒家 (已結業)

今日係一年一度嘅冬至，所以本人同爸媽去咗大埔超級城嘅「海港燒鵝海鮮酒家」飲下午茶！我們叫咗香茜牛肉腸嘅腸粉好嫩滑，牛肉嘅肉質好鮮嫩，而且份量超多！鮮蝦菜苗餃嘅餃皮好軟滑，菜苗相當清甜鮮嫩！翡翠蝦餃皇嘅餃皮好煙煙韌韌，蝦肉好爽甜彈牙！藥膳浸大魚頭嘅材料相當足料，大魚頭嘅肉質超鮮甜嫩滑，湯底嘅味道非常甘甜！鮑魚燒賣皇嘅鮑魚好爽甜彈牙，燒賣嘅肉質好爽滑，而且肉汁都幾多！龍躉蒸飯嘅龍躉肉質好結實彈牙，鮮甜嘅龍躉肉汁同芳香嘅香蒜味滲透晒米飯入面，真係相當惹味！另外我們外賣自取咗隻白切鷄同脆皮燒腩仔去大姨媽屋企「做節」，白切鷄肉質好嫩滑，脆皮燒腩仔嘅皮燒得相當香口脆身，肉質好鬆軟，而且唔會有好多嘅脂肪！