芙蓉同源 (已結業)

今日約咗朋友喺紅磡食飯，但朋友遲到，天氣又好熱，所以自己去左一間台式飲品店，名字叫芙蓉同源。飲品價錢唔算貴，價錢大約$20-30，而且款式幾多，飲品名字亦充滿心思，例如「舉頭望明月」，不過唔到另一杯飲品叫「低頭思故鄉」🤣。- 芙蓉仙凍奶茶自己係一個奶茶控，所以我揀咗喺奶香味系列唯一一個推薦嘅飲品－芙蓉仙凍奶茶。仙草凍佔左杯身三分之一，口感滑順，而且可以解熱。我冇叫任何少甜少冰，甜度可以接受。- 霜露冬瓜茶朋友因為遲到於心有愧，所以一落車都跑過嚟，結果出晒汗，朋友亦叫咗霜露冬瓜茶，解渴亦係一流，茶味香醇，唔係一味死甜。原來芙蓉同源近排做緊買2送1既優惠，優惠的確幾吸引，不過我居住同返工嘅地方有啲遠，所以同優惠無緣😔，住紅磡嘅朋友把握機會啊！