有囍 (已結業)

一個星期打兩次邊爐好似有啲過份 但係天氣涼涼哋真係忍唔住 今次嚟到呢間係食新加坡野嘅舖頭 七點左右嚟到 好多吉枱 而且裝修用咗淺色調好舒服 有小清新感覺 兩個人畀咗卡位我哋 我哋就點嗰個醉雞鍋 雞有半隻 上枱嘅時候係生嘅 用花雕酒浸住 已經聞到好香嘅酒味之後上枱嘅湯底亦都好重酒味同藥材味 未落雞已經飲咗幾啖 都好夠味同埋好清 就咁淥雞一陣 就已經食得 好嫩滑多汁又有雞味而且又啖啖嘅酒香 成個人笠笠 之後仲叫咗個海龍皇2人份 有蝦青口帶子大蜆 原本係原隻龍蝦 但係就轉咗蟹 蟹肉質鮮甜而且多膏 其他海鮮都幾新鮮 不過份量就較少啦 仲嗌咗個小菜 蜜糖燒比目魚 等咗大約15分鐘應該係即刻整 上枱嘅時候熱辣辣比目魚係畀脆漿包裹住 然後外面嘅醬汁小小辣又甜甜地 好惹味 比目魚肉質好嫩滑而且好鮮甜 雖然係有過 不過食得出唔係急凍嘅低級貨 叫埋嘢飲埋單六百蚊洗嘢食高質好味