🍜 極上海皇醬拌麵（$118） ： 今期新品， 最近係蟹季， 岩岩好依款就可以品嘗到濃郁既蟹肉蟹黃醬🦀，以自己喜好加埋落麵度一齊食，食落咸香鮮味出哂黎。 用天婦羅麵衣堆砌而成既炸蝦可愛到唔捨得食😭 ，加埋一齊食口感更加豐富，睇得出師傅既用心製作，配料亦十分豐富。
🍠 栗子紫薯餅（$28） ： 外皮脆卜卜，紫薯味香濃加上粒粒栗子， 口感更加絕配。
🍨 特製芭菲（$48）： 每次必點既人氣絕推甜品😋 雪糕係雲尼拿口味， 加上草莓奶凍，酸酸甜甜咁好開胃。On top仲有年輪蛋糕、雜莓同藍莓， 更加飽肚。
🍵 抹茶（$32） ： 黎到冬天， 點少得黎杯暖笠笠既熱飲做飯後飲品🍵 富山麵家新加入既抹茶絕對岩哂飯後嘆番杯， 幫助消化。 抹茶甜度岩岩好，一啲都唔苦澀。隨機仲送角落生物棉花糖，超級岩咩打卡，值得一提， 連個杯都係角落生物圖案架🥤
