巴蜀烤全魚 (已搬遷) 新店位置

聽聞紅磡好多好野食，同朋友捐窿捐罅搵到間食麻辣烤魚既小店！加上冬天就到，呢種天氣見到啲熱辣辣香噴噴既餸就胃口大增！香麻辣味烤全魚（大邊）每條魚配兩碗白飯，唔怕食唔飽，雖然係叫小辣但佢都有好多辣椒，芹菜，芽菜同蔥做配料，望落好惹味🤤魚肉好滑身，配飯一流，魚骨亦唔難了出黎，唔怕唔小心吞左！另外仲可以加材料好似打邊爐咁，繼續用佢個麻辣汁！雖然算係小店，但衛生都唔差，菜式亦多選擇👍🏻 鋪頭都痴滿食物相方便客人揀！