冒喜 (蕪湖街)

營業中

休息中

呢間鋪頭係紅磡街頭，紅磡筆嬲都多小店既，呢間亦不例外，裝修好好，係中國古代客棧既裝修，但座位就唔多，今日我就外賣番屋企食！叫佐一個八寶套餐，八款餸$54，好豐富！牛丸勁大粒，好彈牙，亦真係好重牛味，仲有啲牛筋添，好足料；五花腩片亦好肥美，肥瘦分佈岩岩好呀；另外清淡啲既魚腐，萵荀，豆卜，雲耳都係好新鮮，全部口感味道都一流，碗埋好味既湯底，成碗大大碗，淨係食餸都飽啦！餐廳仲會送一盒冒喜秘製醬汁，秘製真係唔同啲，食到濃郁既椒香蒜味，新椒同蒜蓉都係慢慢炒香佐再整成醬汁，辣味蒜味特別突出，將啲食材點啲辣醬咁食，愈食愈辣，愈食愈想繼續點啲醬，完全係畫龍點睛呀！