極尚大喜屋 (鱷魚恤中心)

營業中

休息中

前排又口痕想食日式放題！慢慢變成大胃王既我，覺得一定係放題先夠我食！諗都唔諗，約埋朋友再黎encore呢間觀塘極尚大喜屋！黎過幾次，環境已經好熟悉，一樣都係乾乾淨淨又夠大，坐得舒舒服服～朋友開始網上落單，而我就即刻出去拎佢地超多款既熟食！今次有超濃味燘豬手，上湯津白，仲有蒸魚！炸物點少得我至愛既日式炸雞！每次食都係咁正，雞肉唔鞋，炸粉又唔厚！仲有仲有，熱辣辣既日本墨魚燒！勁大粒，又香口，使乜特登飛日本！哈哈哈哈！眨下眼，一大盤新鮮刺身就送到！每次黎叫都係咁足料，又多款式揀！我地叫左三文魚、帶子、螺肉、希靈魚、甜蝦等等，數都數唔晒！仲叫左好多款壽司：火炙左口魚、芝士蟹棒、鵝肝壽司、三文魚玉子腐皮壽司等等，實在太多款！ 當然唔少得三文魚籽迷你手卷！如果唔夠喉，自助區仲有好多冷盤任食！有醉雞翼尖、和風帶子裙邊、沙津等等。當然飲品櫃都係一貫咁多野飲任君選擇！仲有起碼十款超正甜品！食完野最緊要係嘆返杯雪糕，咁就完美！今次已經係第三次黎觀塘既極尚大喜屋！人均都係二百幾！簡直係冇辦法抗拒，返唔到轉頭！🙈