大本瀛日式放題

營業中

休息中

今日去咗旺角試大本瀛日式放題。一去到已經可以即時入去，不用等候。👍🏻鍾意食刺身嘅我第一時間點晒最鍾意食嘅刺身，刺身好新鮮，刺身蝦有三種，都好甜，encore左兩次😆😆跟住叫咗幾款壽司都好好食，特別係黑松露油甘魚，如果鍾意食松露味道既一定要叫😋 鰻魚配合埋芝士都好正，細細件一啖就食哂，雖然壽司好食但係好食，但有飯嘅嘢會好飽，所以我哋都係忍住叫下其他嘢食🙈最出色係醉雞翼，非常入味，平時我鍾意食炸同煎既多，但佢既醉雞翼味道好清新，一啲都唔油膩👍🏻 鯖魚要趁熱食先好食，不過同平時食既無分別。菠蘿係我嘅至愛，都係咁juicy😍通菜就同平時食嘅差不多，細細碟可以叫尼食下。總括嚟講整體都很不錯，叫得最多係壽司，質素很好👍 食物尼嘅速度都很快，冇試過漏單，服務人員態度都好好，有機會下次都會再嚟食。