赤丸製麵所 (已結業)

呢間野，真係食到一肚氣。自從apm開左之後，我都來過呢間野幾次，雖然要等，不過我真係幾中意食佢的凍烏東。今天同男朋友三點幾去到，呢d時間諗住一定無人等，點知都排左半個中。一入去睇個餐牌，可能太耐沒來，加左價我都唔知，咁都ok，點知個烏東一上，就發覺比之前細勁多，食完都唔覺飽。之後問個待應拿沙律漿，佢竟然同我講要叫炸雞的先有，嘩呢間乜野店呀，拿漿都唔得，真係得意，我去和花亭個時問佢地拿都可以拿，好明顯呢間野就好似覺得賺得你錢少，唔使比好的服務你。我發誓唔會再去呢間野。