無肉食 (如心廣場二期) (已結業)

今次已經係第三次到無肉食用餐。餐廳主打素食自助餐。雖然唔會好似酒店自助餐咁用上名貴材料，而且有點油膩，但餐廳由前盤主菜甜品都有供應，一二百蚊嘅價錢實在非常吸引。上次用餐係到已經永久關閉嘅佐敦店，少不免會互相作比較。荃灣店店面較細，但座位同佐敦店差唔多，以致座位間距離較近較逼。對上兩次到無肉食用餐都係晚巿時間，今次則係午巿。相對而言，午巿自助餐食物款式比晚巿少三四成，如果想專程一試又唔介意貴少少，晚巿會比較合適。另外，無肉食無論午巿晚巿都唔會將所有該時段可提供食品全部列出，所以間唔時到食品區望一望，可能會見到有新食物上枱。