18巷泰國餐廳 (已結業)

之前去18巷試左非常特別的蟻蛋，今次就試下其他常見的泰國菜式泰式燉花膠。水準依舊，比起中式味道無咁濃，花膠燉到好腍，重點花膠份量都唔小。拼盤。有魚餅，泰式春卷，炭燒豬頸肉，蟹肉粟米餅，蝦餅。拼盤偏重口味，上碟時全部都熱辣辣，個人喜歡配上泰式梅醬，酸酸甜甜中和返個味道，可以一件接一件咁食香炸虎蝦配酸子汁。虎蝦炸到好鬆脆，見到個汁有辣椒以為會好辣，但味道係小小辣中帶點酸味同甜味，味道唔會太濃，食到蝦既鮮味。鮮蝦炒金邊粉。用材充足，粉好入味爽口而且唔會黏在一齊，條條分明。辣椒膏炒蟹。今次隻蟹鮮甜多膏，每啖蟹肉都咁惹味，香辣既蟹令人不停想繼續食。推介最後甜品椰汁西米糕，味道清清地，如果唔想食糯米咁滯，西米糕真係首選，唔太甜食多兩舊都唔怕。