影片
更多
2022-08-10
33 瀏覽
難忘小店<石一燒>嘅燒肉味道，決定今晚同朋友再訪大角咀分店大吃一餐~辛辣帶子裙邊 $28帶子裙邊口感爽脆，辣辣地食得好過癮🤗正式燒肉類之前，店員會喺岩石板上放啲洋蔥。經輕輕燒過嘅洋蔥好香口，洋蔥控覺得唔夠喉嘅話可以再免費追加😂日本九州A4和牛牛柳 $418A4和牛牛柳嘅質素高又夠份量👍 每件牛柳為一口size同厚切，油花細緻均勻。肉質軟腍，肉汁都好豐富，我地燒到五成熟左右，入口即溶，好正😍西班牙黑毛豬豬頰肉$198店員話呢款豬肉燒至八成熟就食得㗎啦🤤 但穩陣起見我地燒至全熟，咬落一啲都唔覺得鞋口。豬頰肉肉汁豐富，肉味濃郁又爽嫩，再加少少自家鹽同黑椒食就更加美味😋調味料都有幾款比你揀，有伯方之鹽，黑椒，自家鹽，燒肉汁。伯方之鹽即係日本海鹽，自家鹽就加入八角等，啱晒中意食濃味啲嘅朋友仔😋沙律新鮮沙律菜加芝麻醬係Perfect Match! 加咗少少木魚乾都幾特別，充滿日式風味櫻花蝦味噌湯味噌湯熱辣辣好香，加咗櫻花蝦更顯鮮味，飲落味道都幾夾，飲完又唔會覺得好咸或者好口渴🤭石燒海鮮盛會 $98有虎蝦同北海道帶子。虎蝦大大隻，蝦肉鮮甜彈牙，燒前沾上由小店特製嘅蒜蓉牛油醬，味道一流
辛辣帶子裙邊 $28
帶子裙邊口感爽脆，辣辣地食得好過癮🤗
正式燒肉類之前，店員會喺岩石板上放啲洋蔥。經輕輕燒過嘅洋蔥好香口，洋蔥控覺得唔夠喉嘅話可以再免費追加😂
日本九州A4和牛牛柳 $418
A4和牛牛柳嘅質素高又夠份量👍 每件牛柳為一口size同厚切，油花細緻均勻。肉質軟腍，肉汁都好豐富，我地燒到五成熟左右，入口即溶，好正😍
西班牙黑毛豬豬頰肉$198
店員話呢款豬肉燒至八成熟就食得㗎啦🤤 但穩陣起見我地燒至全熟，咬落一啲都唔覺得鞋口。豬頰肉肉汁豐富，肉味濃郁又爽嫩，再加少少自家鹽同黑椒食就更加美味😋
調味料都有幾款比你揀，有伯方之鹽，黑椒，自家鹽，燒肉汁。伯方之鹽即係日本海鹽，自家鹽就加入八角等，啱晒中意食濃味啲嘅朋友仔😋
沙律
新鮮沙律菜加芝麻醬係Perfect Match! 加咗少少木魚乾都幾特別，充滿日式風味
櫻花蝦味噌湯
味噌湯熱辣辣好香，加咗櫻花蝦更顯鮮味，飲落味道都幾夾，飲完又唔會覺得好咸或者好口渴🤭
石燒海鮮盛會 $98
有虎蝦同北海道帶子。虎蝦大大隻，蝦肉鮮甜彈牙，燒前沾上由小店特製嘅蒜蓉牛油醬，味道一流🤤 帶子大大粒又厚身，燒起來外脆內軟充滿油香，咬落啖啖肉，加少少伯方之鹽可以提鮮，簡簡單單已經好好食👍
菇盛會
有三款菇，冬菇、海鮮菇、雞髀菇。
份量好多，啲菇吸哂牛柳同豬頰肉嘅肉汁，所以咬落都幾juicy同好爽口，又可以中和一下肉味
DIY抹茶雪糕
食咗咁多肉，最啱就係食返個抹茶雪糕做甜品，低卡之選。原來除咗燒肉嘅生熟程度由自己話事，連抹茶嘅濃度都可以由自己控制，就係將抹茶粉加水，調較至自己喜歡嘅濃度再倒落雪糕。雪糕質感軟滑，抹茶味非常突出唔苦，每口雪糕都有抹茶嘅回甘，大滿足🙈
凍烏龍茶
食燒肉最啱就係飲烏龍茶，夠哂冰凍又可解油膩
最抵讚係小店嘅服務，店員嘅服務態度非常好，好有耐心同我地介紹食物，而且食物質素幾唔錯，價錢都算貼地，會隔一排再黎食😆🦐
張貼
