大吃大喝 (已搬遷) 新店位置

呢間三文治小店，其實之前已經食過一次，但上次買外賣同屋企人食過一次後，因為太好食，所以屋企人話要再encore😂😂，就再黎買多次外賣啦，今次食番同上次差不多既組合，不過就全部加錢烘底(+2)，即叫即做，新鮮熱辣，再烘底，就更加正😋🔸招牌勁芫茜炒蛋餐肉三文治 -芫茜控必試，佢芫茜個份量剛剛好，加埋落個蛋一齊炒，熱力令個芫茜味更香，但又唔會太搶無晒蛋味，炒蛋炒得剛熟，仲有Ｄ蛋汁，好正，再加埋煎香既厚切餐肉，仲有烘過脆脆的麵包，超讚！ 🔸咸牛肉炒蛋三文治 -原本係香蔥芝士咸牛肉滑蛋三文治，但因為芝士Sold out, 所以唯有走芝士啦, 呢個三文治啱晒喜歡食蔥既朋友，因為有大量係入邊，不過除咗蔥外，亦加入咗咸牛肉，三者結合一起，超配，若果有埋芝士個味應該仲濃郁 🔸芋泥肉鬆三文治 -芋泥肉鬆又係好好味，好夾，不論凍食或熱食都好okay, 個芋泥好rich，熱食個芋泥會再香啲，夾埋個微熱肉鬆，超正🤩🔸飲品：樽仔奶茶、樽仔咖啡及樽仔薏米水樽仔飲品標榜自家制，同埋少甜，三支味道都不俗，真係少甜，而我就比較喜歡奶茶，因為香港奶茶其實好難沖得好，呢個真係有茶記質素，茶味好濃郁，而且跟餐只係加$7就有成支