八妹雞煲

營業中

休息中

呢日同屋企人再去到大埔嘅人氣雞煲店， 我哋今次去到發現舖頭係有裝修過， 裝修格局走向懷舊路線， 我覺得幾有特色， 店內設有醬料區，( 醬料區內有開胃嘅麻辣花生提供).花膠雞煲(半隻)個花膠雞煲我哋叫咗唔辣， 個雞煲好足料， 個醬汁做得好香濃又有蔥香味， 食完雞煲餐枱上已經有湯底可給客人自行加落去打邊爐。手切肥牛(大)手切肥牛同一般雪藏嘅肥牛食落去嘅質地真係好唔同， 牛味重加上肉嘅質地好嫩滑， 真係一分錢一分貨。鵝腸/ 西班牙豬腩片鵝腸食落爽口，夠肥美。西班牙豬腩片食落有層次感， 肥肉和瘦肉都均勻。什餃/ 墨魚滑和蝦滑什餃有魚皮餃， 雲吞和韭菜餃， 雲吞和韭菜餃包得飽滿， 味道正常。墨魚滑和蝦滑都食得出墨魚和蝦嘅鮮味， 兩款都做到爽口彈牙。即炸響鈴/ 白蘿蔔片呢度嘅響鈴係即叫即炸， 上枱嘅時候響鈴都仲係熱， 響鈴炸得夠脆。白蘿蔔片夠鮮甜，冇渣。脆肉鯇骨腩脆肉鯇骨腩幾鮮甜， 肉質夠紮實。竹蔗茅根呢度仲有自家煲嘅竹蔗茅根可以叫， 味道唔算甜，可清熱氣。