咖啡弄 (已結業)

呢一日約左朋友食晏，由於我係無業遊民，所以預早去搵位係我強項 (爆)，大約12:30我就到左啦，完全唔洗等位，輕輕鬆鬆坐埋去等食 (笑) 朋友仲未到，我唯有點住杯野飲下先啦，呢杯蜜桃冰茶甜度剛剛好，我最怕甜到甩肺既野，好彩我唔記得叫少甜都唔係好甜咋，茶味亦好出。一放喺我面前，上面幾粒蜜桃即時俾我K.O.左，其他裝備水果我就冇搞到，由佢做裝飾好了 (^_-)朋友一到，即刻叫左熱水果茶，我直覺話我知呢杯野應該好很甜，同埋感覺有d假，any肥我唔會叫囉，賣相又真係幾靚既，但都係吸引唔到我。我地2個女仔點左2份三文治，呢份玉米里肌起司可頌，已經係食左N次，食唔厭，厚厚既火腿，加上我最愛既煙肉、芝士、粟米，真材實料，口感豐富，下次再去都一定要食，番兜再番兜 ToT另外我地仲叫左芥末培根三文治架，一碟有3件，不過我衰，唔記得影相，一貫咖啡弄作風啦，大大份，真材實料，好多餡，多到成件三文治好厚，個口要好大先得 xddd，最後我地都食剩一件，實在係太飽啦 (笑)