影片
更多
2009-05-29
60 瀏覽
自上次吃過串得起一次後，對佢製作認真同有誠意既燒烤食物念念不忘，呢日原班人馬再訪﹗長命雨落左幾日，上次坐開既位置滴水，我地轉到另一露天位置安頓﹗都未坐低，上次招呼我地既老闆走出來對我說: "小連，你終於都再來喇﹗"估不到食野會俾人點相，佢話自我上次來食完野之後0係網上寫食評，多o左好多人冒名而來一試，當中有讚亦有彈，生意多了不少，我也估不到寫食評竟然會俾人點相﹗佢叫黃生，仲話佢自己唔係老闆，不過又說之前幾個月生意淡薄無糧出，唔係嘛？無糧出邊會有人打工，擺明就係老闆唔認帳，不過算啦，知道與不知道根本毫無關係，最緊要係串燒好食﹗今日自備兩支紅酒，黃生一見我攞兩支紅酒出來就說: "知你一定又帶酒來，睇左你既食評，我地鋪頭已經準備左玻璃杯，唔洗再用啤酒杯飲紅酒﹗" 真好笑，估不到佢睇我既食評睇得咁仔細﹗不過亦都佩服佢對客人的認真﹗今日食左好多野，慢慢講下有咩好食﹗丸類試左上次覺得好食的八爪魚丸及芝士丸，新加墨魚丸同埋脆皮魚旦﹗我就依然講得八爪丸夠彈牙亦多八爪魚粒最好食﹗工友就話墨魚丸更香，吃得出的墨魚鮮味，各有各好﹗芝士丸燒得用心，咬入去之後芝士細細流出，香濃馥郁，百吃不厭﹗今次試左網上友人說
長命雨落左幾日，上次坐開既位置滴水，我地轉到另一露天位置安頓﹗
都未坐低，上次招呼我地既老闆走出來對我說: "小連，你終於都再來喇﹗"
估不到食野會俾人點相，佢話自我上次來食完野之後0係網上寫食評，多o左好多人冒名而來一試，當中有讚亦有彈，生意多了不少，我也估不到寫食評竟然會俾人點相﹗
佢叫黃生，仲話佢自己唔係老闆，不過又說之前幾個月生意淡薄無糧出，唔係嘛？無糧出邊會有人打工，擺明就係老闆唔認帳，不過算啦，知道與不知道根本毫無關係，最緊要係串燒好食﹗
今日自備兩支紅酒，黃生一見我攞兩支紅酒出來就說:
"知你一定又帶酒來，睇左你既食評，我地鋪頭已經準備左玻璃杯，唔洗再用啤酒杯飲紅酒﹗"
真好笑，估不到佢睇我既食評睇得咁仔細﹗不過亦都佩服佢對客人的認真﹗
今日食左好多野，慢慢講下有咩好食﹗
丸類試左上次覺得好食的八爪魚丸及芝士丸，新加墨魚丸同埋脆皮魚旦﹗我就依然講得八爪丸夠彈牙亦多八爪魚粒最好食﹗工友就話墨魚丸更香，吃得出的墨魚鮮味，各有各好﹗芝士丸燒得用心，咬入去之後芝士細細流出，香濃馥郁，百吃不厭﹗
今次試左網上友人說好味既燒蠔，蠔是雪藏筒貨，加入蒜蓉牛油在錫紙上慢燒，多汁唔腥夠濃甜，不愛吃蠔的工友也大讚這兒做得好﹗
魚類要了烏頭，燒得岩岩好，肉岩岩離骨，不會太乾帶著天然魚香，不用蘸醬更可吃到其鮮味﹗友人們吃得開心﹗
羊試了羊骨腩及羊架，女性友人一向密密吃少說話，吃過骨腩也大叫夠羶香超好食，可惜工友的一件肥得濟，最後黃生說只係收我地兩份錢就算，下次揀條多肉既再燒俾我地食﹗羊架水準依然，肉嫩多汁，一百分﹗
現場所見食客雖然未算多，但比起上次只得我地一台客真的好了不少，客人進進出出，有麝自然香就是如此道理﹗
燒粟米是呢度的必吃推介，原條粟米放在爐上慢燒，燒成半個鐘先上碟，面頭微焦入口香脆粒粒分明甘甜，好吃得不得了﹗
燒魷魚鬚、墨魚咀同埋魷魚乾很是惹味，彈牙得來有嚼勁，用來送酒一流﹗
黃生話小店生意難做，始終枱數不多，幾好生意也有數得計，其實做食店生意講口碑，吃過互相推介人客自然旺，原來今天蘋果日報副刊仲出左佢地既專訪，真係強勁，只要keep住而家呢個誠意既水準，相信食客不絕，至少仲有我同工友來捧場吧﹗
不少香港好吃的小店也因客人多了而變質，不是服務變差便是食物水準下降，但願呢間串燒店盡量做好0的，成為我既串燒飯堂﹗
食左咁多野埋單一人百一蚊，我相信老闆一定係收平左我地，在此說聲多謝了﹗
張貼
