華輝小食 (已搬遷) 新店位置

呢檔大圍名物 - 手撕雞腸粉，不敵昂貴嘅租金，做埋呢個月尾…就會講聲再見用麻辣手撕雞當小食掃街佢哋可以話係始祖，而將腸粉/撈麵擺埋一齊…原來係咁夾！麻辣level會好食食雞煲咁有7級選擇，小弟一向唔好辣，揀咗BB辣感受下！而手撕雞夠新鮮，冇雪藏味，肉質好嫩滑，雞皮夠香，落埋麻醬夠晒惹味好食！老闆娘話最近已經物色緊新嘅鋪位，相信好快會回歸，到時會再同大圍嘅街坊居民…仲有各位假期紅日入大圍踩單車嘅朋友見面。