魚川居 (已搬遷) 新店位置

午餐.之前試過呢度嘅酸菜魚 覺得唔錯今日再嚟試吓一直想試嘅淮山麵😆事隔幾個月 原來價錢已經有所調整依然係咁多人 堂食/外賣都做唔停.- 酸菜魚淮山麵麵身有啲似日本幼拉麵 無淮山嗰種滑潺潺嘅感覺食落都幾彈牙 唔錯魚片數量都好多湯底好味 酸酸辣辣又帶點麻 我呢啲唔太食得辣嘅都接受到仲有好多酸菜如果多少少麵會更滿足.- 紫貝天葵店員推介咗兩款自家製嘅凍飲 未飲過紫貝天葵 今次就試吓味道酸酸甜甜似利賓納 唔會過甜 夠凍得嚟又無冰👍🏻都幾解渴 又可以解吓辣