素食一家 (已結業)

一直以來都好支持小店，今次都唔係第一次幫襯，幫襯咗幾次，要介紹嘅係佢哋一直以來都有派免費素食飯盒，讓更多人能夠接觸素食。好認同佢哋嘅諗法係幫到人係一種福氣。
好啦，講番野食先，上湯白菜，清清地比較健康，有少少素肉碎係面，加上上湯出味，唔係齋食菜咁簡單，但係個湯咸咗少少。另外，食咗焗葡國雞飯，依個有點失望，因為個飯底有少少濕，素雞口感唔係好似，加上個葡國汁差咗啲葡國汁味，唔識形容，但係比較普通。最後食咗個麻醬三絲河粉，依個幾好食，啲三絲口感好好，河粉通透滑溜。
總括嚟講，都會有下次，因為今次唔係食佢主打嘅食物。