首先係招牌Kikusan卷，滿滿嘅海膽、吞拿魚，配粒粒魚子，一口一個，一共有八個，朋友share啱啱好，好有滿足感
第二個係口水雞，朋友問大家食唔食得辣，因為都真係頗辣！青瓜切成片卷住，雞份量足夠，配上爽爽脆脆青瓜真係好好味！
第三個係煎韭菜餃子，黎到嘅size真係超級大隻！
應該有平時餃子嘅三倍！餡料超足，仲要有汁！我食左差唔多5-6啖先食完！個人認為比小籠包好食！第四個係燒雞翼，一共四隻，連雞翼尖，用蜜糖醃製，舖上滿滿嘅芝麻，都唔錯。我地首先叫頭四個，然後再決定叫麵食定小食，由於小食太出人意表地好食，決定繼續叫！
第五個係炸軟殼蟹米紙捲，軟殼蟹大大隻，用米紙包住一片薑，碟底有一層牛油果醬。我認為米紙捲餡料較乾，味道一般，如果可以添加d重味少少嘅食材會比較好。
第六個係煙肉蘆筍串，純粹好似冇乜食菜又唔想叫沙律所以叫哈哈！普普通通。
第七個係雞肉串，大條，味道ok，唯一我唔太鍾意係裡面好似有d類似軟骨(?)嘅東東，唔係太好口感，我會想佢冇碎骨(?)啖啖肉。
以上就係每一道小菜嘅感想，頭四個都超讚！
一定會再光臨
