風車

營業中

休息中

幾個星期前黎過「風車」，今日再次光臨，絕對有顯著既進步。可能因為餐廳開張都有一段時間，所以已經無再「like」Facebook有9折呢個優惠啦。今次餐飲可揀咖啡，茶，或者水果味凍茶，唔同上次咁只有水果味凍茶，另加咖啡就要加10蚊，呢個轉變真係值得一讚。是日餐湯係芹菜頭湯，湯底夠滑，可惜味道過鹹，落少D 鹽會更加好，有改進空間。香草蕃茄芝士焗海鮮意大利粉: 唔食芝士既我地走左芝士，海鮮材料落得好足，意粉軟硬度適中，唯一美中不足既係蕃茄醬有點兒過酸，建議茄膏份量可稍為減少，同時加少量罐裝蕃茄汁，再加少少basil leaves。香煎雞扒拼司華力腸配意大利粉: 雞扒煎得夠香，沙律菜夠新鮮，沙律汁亦都幾好味，如果司華力腸煎得無咁腍既話，整體味道會更加好。炸魚薯條: 薯條夠香脆，魚既份量都算幾多，如果可以係上菜前用隔油紙印一印D油先俾客人既話，咁就更加好啦。食完主菜後飲返杯香濃又夠熱既咖啡，都算幾滿足。