栢檔極品海南雞飯 (已結業)

海南雞飯唔係度度整得好食，呢間唔錯👍早前一家人出動，午餐要搵食，再一次嚟呢間，決定要試埋佢個煎肉餅！叫咗個二人套餐：極品海南雞半隻再三選一個餸，我哋揀咗香煎手剁魚香肉餅另有一碟時菜兩個飯（可選雞油香飯或白飯）跟飲品兩杯 或 皇牌無味精靚湯兩個唔洗二百蚊就食到以上咁多嘢，份量和價錢亦都好合理👍海南雞當然係佢哋招牌菜，肉質嫩滑，有三款醬汁配搭，有唔同口味，正！招牌海南雞好食係必然，但估唔到，個香煎肉餅都咁好食，雖然好快上菜，但都好香口，味道亦剛剛好，唔會好鹹，連亞女都讚不絕口😋，唔錯！