燒肉男 (已結業)

同屋企人再戰燒肉男，星期三晚市去食，4位七五折真係好抵食，服務態度又好⋯⋯ 本身唔知道啤酒任飲，好彩侍應姐姐話我哋知！老人家十分欣賞，疫情期間地方環境乾淨好重要，百吃不厭，確實不錯！今次再去食多咗燒雞泡魚乾，好味又可以送酒！除此之外，之前去食佢一定會上一盤蔬菜，雖然蔬菜都好新鮮，但唔係樣樣都會食，如果食唔晒又好浪費！今次佢哋話需要蔬菜先落單，呢啲安排真係唔錯，唔使焗食！甜品一向都係正嘅，所以點都要留肚食返幾球雪糕！記得要加Kitkat脆脆！試過兩次假期想去食但full咗，如果假期去真係要早少少訂枱！