火鍋薈 (已結業)

男友同成班fd一行十人又飯聚，佢地都話黎返呢間火鍋薈度食，話個雞煲好鬼正，材料選擇多又新鮮，帶子鮮味，粟米超甜，喪叫肥牛，手打蝦丸，四寶丸，枝竹，水餃，雲吞，樣樣都好味。黎到爆晒場，好在一早訂左枱，今次叫左個皮蛋芫茜湯鍋食住先，好夠味，又多皮蛋，唔洗㸃豉油都夠味，等齊人叫多個雞煲，同上次一樣，水準keep到，啲雞又滑又多肉，絕不欺場，食足兩粒鐘，飲品除左有樂天之外，仲有佢地自制嘅洛神花茶，甜甜酸酸好開胃，一定要試。食完仲有雪糕食，芝麻味同紅豆味最正，前後食左四杯！