影片
更多
2010-05-25
38 瀏覽
好耐無黎, 起初都有d擔心水準會下跌, 加上見到最近唔少食評都話呢度服務唔掂, 都有考慮過另一d日本料理餐廳可惜其他都唔可以訂位, 我地又唔想大熱天時企係度等, 唯有再信多佢一次去到時一坐低就已經feel到: 仍然好迫!呢個係我唯一唔開心既事, 迫到好似茶餐廳咁, 但價錢又唔係茶餐廳價, 真係完全唔需要俾太多貼士for環境... 不過明顯地見到佢地服務改善唔少~落單前問位姐姐借支筆想mark低叫左d咩食, 態度一般, 唔會好她笑容, 但至少唔會黑你面可能咁o岩我個張檯係個經理管轄範圍, 所以全晚幾乎都係個經理招呼我地落單個陣經理非常清晰咁重複一次, 轉個頭仲要俾番張單我地, 叫我地check下有冇漏回應左最近食評有人批過話漏單既局面, 有改進, 值得一讚! 落單後男友話要計下時, 因為佢見到有人批黎得好慢...點知個頭話計時, 呢頭唔夠10分鐘, 第一樣野食就黎到! 快好多喎!! 有改進~讚! 先黎軟殼蟹手卷 - 好肥一條, 即係唔會覺得「un之之」咁...上面一大堆蟹料已經覺得好足料, 可惜我無食到, 但男友就食得好開心咁, 應該唔會差...蟹料就俾我K.O.晒, 超好味! 再黎壽
可惜其他都唔可以訂位, 我地又唔想大熱天時企係度等, 唯有再信多佢一次
去到時一坐低就已經feel到: 仍然好迫!
呢個係我唯一唔開心既事, 迫到好似茶餐廳咁, 但價錢又唔係茶餐廳價, 真係完全唔需要俾太多貼士for環境...
不過明顯地見到佢地服務改善唔少~
落單前問位姐姐借支筆想mark低叫左d咩食, 態度一般, 唔會好她笑容, 但至少唔會黑你面
可能咁o岩我個張檯係個經理管轄範圍, 所以全晚幾乎都係個經理招呼我地
落單個陣經理非常清晰咁重複一次, 轉個頭仲要俾番張單我地, 叫我地check下有冇漏
回應左最近食評有人批過話漏單既局面, 有改進, 值得一讚!
落單後男友話要計下時, 因為佢見到有人批黎得好慢...
點知個頭話計時, 呢頭唔夠10分鐘, 第一樣野食就黎到! 快好多喎!! 有改進~讚!
先黎軟殼蟹手卷 - 好肥一條, 即係唔會覺得「un之之」咁...上面一大堆蟹料已經覺得好足料, 可惜我無食到, 但男友就食得好開心咁, 應該唔會差...蟹料就俾我K.O.晒, 超好味!
再黎壽司...
三文魚 - 係長長三文魚, 長度ok, 厚度適中 (對比起長左既關係), 肉質都唔錯
帶子 - 好厚肉, 肉質新鮮
櫻花 - 好多魷魚, 而且好鮮味, 不過味道較重, 無咁鹹會好d
魷魚 - 好厚肉, 有少少絲, 不過可以接受, 好鮮味
芥末八爪魚 - 第一次係大盛叫呢款, 好足料, 而且芥末味重, 食個陣小心唔好一次過, 否則都幾搶喉, 八爪魚好多粒, 唔錯!
三文魚子 - 大大粒, 而且好多粒, 全部都好新鮮, 唔會覺得佢「煤煤地」既
芝士蟹籽 - 每次必叫之選! 水準仍然保持到, 好足料, 而且芝士味重, 蟹籽勁多~正!!
再黎刺身...
三文魚 - 勁勁勁厚!!! 而且好大塊!!! 最重要係肉質仍然新鮮!!
甜蝦 - 意外地大隻! 而且好新鮮, 完全食到蝦味!!
最後男友游說下, 終於點埋牡丹蝦!
又一意外之選!! 大隻得好緊要!! 而且真係好好味囉!!
雖然唔係好知點樣由個頭個part拉出黎食, 又有d擔心拉左個頭入面唔知咩出黎 不過最終成功食到好完整一條大蝦~ 滿足~~~
整體黎講除左環境真係每次都好迫之外, 服務有改善, 食物保持水準
希望可以唔會只為接多d客而係咁加檯, 其實咁樣食野真係唔多舒服囉...
張貼
