Branto 印度素食餐廳

之前自己一個人嚟食過，但係冇寫食評。今次同朋友嚟食慶祝生日，所以影相留念。例牌叫一個dosa，一如以往一樣咁好食，最鍾意食佢中間嘅薯仔蓉，甜甜地幾好味。朋友就試咗一個前菜(唔記得叫咩名），浸味有少少似salsa，但係幾辣，如果唔太食得辣嘅人就唔好叫。另外我朋友又叫咗一個Pizza，因為我食完dosa就已經好飽所以冇機會試朋友個Pizza。但整體嚟講我應該都會再返嚟食多次。作為一個素食者有一間咁好味嘅印度餐廳係一件好幸福嘅事。